تعرف انك طالب معماري لما … :
- تكون مصاحب كل اللي شغالين في الكلية والي يحكيلك صباح الخير تقوله مساء الفل
- تشرب اكتر من 3 قهوة سادة في ليلة واحدة وما تعرفش ترسم من غير دوشة
- تعتبر إن أي سطح مستوي هو سرير بس مش واخد بالو
- تعرف الفرق بين طعم UHU والـ Pritt
- تقدر تعيش من غير نور ولا ناس لكن تنجن لو البلوتر ما طبعش مشروعك
- تقوم تغني بصوت عالي الساعة 3 الصبح من غير أي سبب
- تكون خبير أوتوكاد وفوتوشوب و سكتش أب وماكس وما تعرفش تعمل جدول اكسل
- تقضي وقت في الكلية اكتر من البيت وتحلم بمشروعك ببجري وراك
- يكون أصحابك بينامو في ليلة واحدة اكتر منك في أسبوع
- تعتبر إن الساعة 3 الصبح بدري وتقول الساعة لسه 12 بليل قدامي وقت كبير اخلص
- صباعك يتقطع ويبقى تفكيرك الوحيد المجسم هايخلص ولا لا
- تتكلم على المعماريين المشهورين على أنهم أصحابك و تفهم فعلا ليه المعماريين شعرهم ابيض ولابسين نظارات و ما تحاولش ترتبط لان ما حدش هايبصلك كدة
- تسمع كل الأغاني اللي بتحبها في ليلة واحدة …مرتين ثلاثة، وزمايلك يكرهوك لأنك بتشغل الأغاني اللي أنت بتحبها بصوت عالي، ونفس الزمايل يحبوا نفس الاغاني ويزهقوك منها
- يكون ليك مفهوم تصميمي في ترتيب الأكل في طبقك..هادا إذا كان في طبق يعني و تأكل بالمسطرة
- تصحي عشان تروح الكلية..تلاقي نفسك في الكلية وتخرج منها بس عشان تجيب أكل
- اهلك يكون لهم حياة اجتماعية اكتر منك وتبدأ تخلي كل هدومك باللون الأسود .. وتعترف انك ميت
- تحسب الوقت على أوقات التسليمات ..فاضل 3 أيام ع التسليم..والنهاردة خامس يوم من التسليم
- تكون درجة حرارتك فوق الأربعين مش عذر كافي انك تفوت تسليمك
- تعرف زمايلك في الكلية اكتر من اهلك وتعتبر المسطرة الـ T دراعك الثالث وتعامل أدواتك على أنهم بني ادمين
- تفضل انك تعمل فيلم على انك تكتب سطرين
تبقى عارف إن كل اللي مكتوب حقيقي وتقول بصوت عالي :
أنــــــــــــــــــــــــــــــــــا معمــــــــــــــــــــــااااااااااااااااااري