بمعدل ذكاء 155 درجة لاختبار ستانفورد بينيه، يعتبر محمود وائل الطفل المصري النابغة كأذكى طفل في العالم ومن أصغر المبرمجين المعتمدين من شركة ميكروسوفت وكان لنا معه الحديث الآتي:
متى بدأت بوادر هذا الذكاء وكيف تمت تنميته ؟
لما كان عندي 3 سنين ووالدي كان بيسمّع لأختي جدول الضرب ومعرفتش ترد على سؤال وأنا رديت عليه، وقتها والدي شك إن في حاجة مش طبيعية لإن طفل بالعمر ده يحسب جدول الضرب، وتمت تنميته من خلال التدريب على موهبة الحساب في البيت لمدة 3 سنين، وبعد كده انتقلت للكمبيوتر وحصلت على مجموعة شهادات دولية في مجال البرمجة، ومنها ما يؤهل لتدريس خريجي الجامعات وبدرس لتحصيل شهادت أخرى
ما رأيك بأجيال الانترنت في عالمنا العربي ؟
الانترنت في العالم العربي يُستخدم بأشكال مختلفة ومقدرش أذكر رأيي فيه ككُل، لكن فيه اللي بيستخدموا استخدام صحيح وفيه اللي مضيع وقته، وده مش معناه انه نقلل من استخدام الانترنت بشكل عام، ده بيعتمد على حالة كل شخص، والانترنت من أهم الوسائل التي جمعت طرائف الشعوب في البلاد العربية لأنهم يقولوا كلمة الحق ويعملوا الثورات العظيمة دي .
مالذي يطمح له محمود وائل ؟
أنا بطمح إن شاء الله للحصول على جائزة نوبل وأقدر أقدم حاجة أفيد بيها البلد، وده بتنبؤ من د.أحمد زويل خلال مقابلتي ليه .
لمزيد من المعلومات: صفحة محمود وائل على الفيس بوك، حساب محمود وائل على تويتر
5 comments
ربنا يحفظه ويوفقه ويحقق له مايتمناه
الله يجعله بركة وخير للأمة العربية والإسلامية
ما شاء الله تبارك الرحمن
للأفضل دائما … شكرا عتفاعلك
شكرا لك على التفاعل